Hilfe und Unterstützung finden
Hilfe und Unterstützung finden
Es gibt zahlreiche Hilfs- und Beratungsangebote, die dich unterstützen können. Auf dieser Seite sind Adressen aufgeführt, die eine nationale oder regionale Flächendeckung haben.
Cloma la polizia en situaziuns smanatschantas u tar violenza acuta. clamar il 117
Cloma il servetsch da salvament tar cas d’urgenza medicinals. clamar il 144
Beratungsstellen und Angebote
Hier kannst du deine Suche nach einem passenden Unterstützungsangebot verfeinern.
- Persunas pertutgadas da violenza
- Persunas che vegnan a savair da violenza u observan violenza
- Persunas che na vulan betg (pli) commetter violenza
Agid a victimas en Svizra
En tut ils chantuns datti posts da cussegliaziun renconuschids per l’agid a victimas. Els sustegnan e cusseglian tut las persunas en Svizra che han subì violenza. Gratuit, da maniera confidenziala e tenor giavisch anonima.Independentamain da la vegliadetgna, da la schlattaina, da l’orientaziun sexuala u da la religiun. Era ils confamigliars e persunas da confidenza da persunas pertutgadas da violenza pon s’annunziar tar l’agid a victimas. Las collavuraturas ed ils collavuraturs gidan dad elavurar las experientschas e da planisar ils proxims pass. Era tgi ch’è malsegir, schebain l’agid a victimas saja il post adattà, po s’annunziar. Il post da cussegliaziun po intermediar ulteriuras purschidas adattadas.
Cussegliaziun online e via chat
Per persunas che han subì violenza, ma era per confamigliars e persunas da confidenza porschan ils posts da cussegliaziun per l’agid a victimas da la Svizra tudestga, sco era là plattafurma da la svizra romanda «Violence que faire» cussegliaziuns via chat u online anonimas e professiunalas.Chasas da dunnas e chasas dad umens
Dunnas, umens, uffants e giuvenils che sa vulan deliberar ord ina situaziun da violenza u ch’èn smanatschads da maniera acuta da violenza, chattan protecziun, cussegliaziun, sustegn ed accumpagnament en chasas da dunnas, chasas dad umens u en auters alloschis.Chasas da dunnas e dad umens retschaivan geniturs pertutgads da violenza ensemen cun lur uffants.
Agid immediat tar violenza sexuala
Persunas che subeschan violenza sexuala, duessan uschè spert sco pussaivel ir tar in post d’urgenza medicinal.Numerus ospitals han persunal cun ina scolaziun speziala per proveder da maniera adequata persunas pertutgadas dad abus sexual u da violaziun e per segirar cumprovas.
Mulestas sexualas a la plazza da lavur
Per persunas ch’èn vegnidas mulestadas sexualmain a la plazza da lavur e per perditgas da mulestas sexualas a la plazza da lavur porscha la plattafurma «Belästigt» e l’organisaziun da la Svizra romanda «Non c'est non» infurmaziuns, tips sco era cussegliaziuns online confidenzialas ed anonimas en differentas linguas.Purschidas d’agid per la Svizra romanda e per il Tessin
Cussegliaziun per persunas potenzialmain violentas
En tut las regiuns da la Svizra datti posts da cussegliaziun spezialisads e purschidas per umans che han commess violenza a chasa, violenza sexuala u relativa a la schlattaina u che teman ch’els pudessan daventar violents.Las purschidas sustegnan da chattar vias or da la violenza e da viver senza violenza.
Discurrer gida
Mintgatant gida in’ureglia averta, per rumper il silenzi davart experientschas difficilas.Las voluntarias ed ils voluntaris scolads da Discurrer gida èn cuntanschibels al telefon durant 24 uras al di (custs per clom da telefon: rait fixa: 20 rps. telefonin: 20 fin 70 rps.) per persunas en crisas e situaziuns engrevgiantas, da maniera anonima e confidenziala. Ellas ed els cusseglian era via chat u e-mail.
Rimnar sez e da maniera segira meds da cumprova tar violenza a chasa e stalking
Tar violenza a chasa e tar stalking recumondan persunas spezialisadas da documentar uschè baud sco pussaivel tut las acziuns da violenza.Arcunar cumprovas sin l’agen telefonin u computer po dentant era esser collià cun risico, spezialmain sch’il partenari u la partenaria controllescha ils apparats. L’arcun-online «Safe withyou» da l’uniun «Tech against Violence» è in lieu segir per tals meds da cumprova. Tut quai ch’è arcunà là, resta secret ed è codifitgà.
Violenza en la vegliadetgna
Violenza en la vegliadetgna cumpiglia violenza tar partenadis pli vegls sco era maltractaments u la negligientscha activa e passiva dad umans pli attempads en relaziuns nua ch’ins spetga atgnamain confidenza.Il center da cumpetenza naziunal vegliadetgna senza violenza cusseglia persunas pertutgadas, confamigliars e persunas che han observà violenza encunter umans pli attempads. La cussegliaziun è gratuita, confidenziala e tenor giavisch anonima.
Cussegliaziun ed agid per uffants e giuvenils
Uffants e giuvenils che han subì violenza, han observà situaziuns da violenza u èn pertutgads da violenza a chasa tranter ils geniturs, sa pon annunziar da tuttas uras tar il numer 147.Il team da cussegliaziun professiunal da la Pro Juventute è cuntanschibel era sin WhatsApp e per e-mail. Las cussegliaziuns èn gratuitas e confidenzialas. Ultra da quai pon ils giuvenils sa barattar via chat cun giuvenils da la medema vegliadetgna.
Violenza sexualisada cunter minorens e minorennas en l’internet
Persunas che observan violenza sexualisada cunter uffants e giuvenils en la rait (per exempel fotos u videos cun in cuntegn pedocriminal), sa pon drizzar al post d’annunzia «Clickandstop» da la Protecziun da l’uffanza Svizra.Il post spezialisà porscha infurmaziun e cussegliaziun professiunala, gratuita ed anonima ad uffants e giuvenils, a geniturs e persunas responsablas per l’educaziun, a persunas d’instrucziun ed a tut ils auters ed autras via telefon, chat ed e-mail.
Violenza cunter uffants
La fundaziun ‘Protecziun da l’uffanza Svizra’ ha differentas Help- e Hotlines per geniturs, persunas spezialisadas e per tut ils umans che han in suspect da violenza cunter uffants, da delicts da cybersexualitad u in suspect da la periclitaziun dal bainstar da l’uffant.Persunas spezialisadas dattan infurmaziuns per telefon, mail u via chat, porschan in emprim sustegn spezialisà u emoziunal e renvieschan persunas pertutgadas a posts cumpetents.
Insieme
Il post da consultaziun e d’annunzia intern sustegna las uniuns regiunalas insieme e las utilisadras ed ils utilisaders da purschidas dad insieme tar sfruttament sexual, abus sexual ed autras violaziuns da cunfins.El stat a disposiziun tar malsegirtads, irritaziuns u tar il suspect da violaziuns da cunfins sco era tar experientschas da violenza en purschidas dad insieme e dat spazi per il discurs.
LGBTIQ-Helpline
La LGBTIQ-Helpline registrescha annunzias da discriminaziun e da violenza ostila cunter LGBTIQ e porscha cussegliaziuns peer-to-peer a persunas pertutgadas tras voluntarias e voluntaris scolads.La Helpline è gratuita, confidenziala ed anonima ed è averta per tut las dumondas e giavischs en connex cun la vita sco persuna LGBTIQ. Ella è cuntanschibla per e-mail e formular da contact sco era durant temps definids via telefon u chat.
Post spezialisà per maridaglias sfurzadas
Il center da cumpetenza surregiunal cunter maridaglias sfurzadas porscha cussegliaziun e coaching gratuit per persunas pertutgadas e persunas spezialisadas en connex cun maridaglias sfurzadas, scumond d’amur, sforz da maridar, lètg sfurzada e spusalizi sfurzà.Las cussegliaziuns èn strictamain confidenzialas e vegnan fatgas tenor giavisch al telefon, online u da maniera persunala en in lieu adattà.
Excisiun da mattas e mutilaziun genitala feminina
A la rait cunter l’excisiun da mattas da la Svizra fan part in post spezialisà naziunal e differents posts da consultaziun regiunals.Els cusseglian e sustegnan persunas smanatschads, pertutgadas, confamigliars e persunas spezialisadas tar dumondas medicinalas, giuridicas ed autras en connex cun il tema da mutilaziun genitala feminina (FGM/C).
Commerzi cun umans e sfruttament
Sfruttament sexual, prostituziun sfurzada, sfruttament da la forza da lavur, sfruttament tar il batlegim organisà, prelevaziun sfurzada dad organs.Persunas pertutgadas sco era terzas persunas externas cun in suspect che in’autra persuna stoppia far insatge cunter sia voluntad, tras smanatscha da violenza, trumpada, engion u abus, pon sa drizzar da maniera anonima al post d’annunzia cunter commerzi cun umans e sfruttament. Suenter in’annunzia vegnan cas (sche pussaivel) renviads als posts cumpetents e persunas pertutgadas vegnan colliadas cun purschidas da sustegn adattadas.
FIZ Posta spezialisada per il commerzi e la migraziun da dunnas
FIZ protecziun da persunas victimas dal traffic d’umans sustegna persunas pertutgadas dal traffic d’umans en la Svizra tudestga.Swiss Sport Integrity
Persunas che han subì u observà surpassaments dals cunfins psichics, fisics u sexualisads, discriminaziun e situaziuns insupportablas en uniuns ed associaziuns da sport, pon contactar il post d’annunzia naziunal «Swiss Sport Integrity» (tenor giavisch da maniera anonima).Swiss Sport Integrity porscha ina emprima cussegliaziun ed intermediescha en cas da basegn ina cussegliaziun approfundada tar auters posts. Tar malsegirtads e dumondas pon ins era telefonar a la hotline (glindesdi fin venderdi, uras da biro).
Persunas cun interess sexuals per uffants u giuvenils (Beforemore)
Per la prevenziun da mulestas sexualas dad uffant porscha il post spezialisà «Beforemore» cussegliaziuns gratuitas ed anonimas.Per persunas che sa fan quitads pervia da patratgs u cumportaments che pertutgan minorens e minorennas che na vulan betg (pli) surpassar cunfins, per confamigliars e per persunas spezialisadas. Cussegliaziuns per telefon (uras da telefon limitadas), via chat u per e-mail, e colliaziun cun purschidas da terapia e da cussegliaziun spezialisadas.
Persunas cun interess sexuals per uffants u giuvenils (DIS NO)
L’organisaziun partenaria da la Svizra romanda «DIS NO» porscha cussegliaziuns gratuitas ed anonimas.Per persunas che sa fan quitads pervia da patratgs u cumportaments che pertutgan minorens e minorennas che na vulan betg (pli) surpassar cunfins, per confamigliars e per persunas spezialisadas. Cussegliaziuns per telefon (uras da telefon limitadas), via chat u per e-mail, e colliaziun cun purschidas da terapia e da cussegliaziun spezialisadas.
Elternnotruf: clom d’urgenza per geniturs
Tar crisas, surpretensiun e violenza en la famiglia, pon geniturs, ulteriuras persunas da referiment e persunas spezialisadas sa drizzar da tuttas uras al clom d’urgenza per geniturs.La cussegliaziun professiunala dal clom d’urgenza per geniturs e confidenziala, gratuita e tenor giavisch anonima. Ultra da la cussegliaziun al telefon da 24 uras è pussaivla era ina cussegliaziun via e-mail u chat.
Fegls d’infurmaziun davart violenza a chasa
Il Biro federal per l’egualitad tranter dunna ed um (EGB) metta a disposiziun infurmaziuns fundadas en furma curta davart la violenza a chasa per la populaziun interessada, per collavuraturas e collavuraturs da medias e per persunas spezialisadas.Actualmain datti 17 fegls d’infurmaziun che dattan ina survista davart definiziuns, furmas e dimensiuns da violenza a chasa e davart la situaziun giuridica en Svizra.
La Crusch blaua
Violenza fisica, psichica e sexuala vegn savens pratitgada sut l’influenza d’alcohol. La Crusch blaua sustegna ils pertutgads sco er lur persunas en Svizra, e quai gratuitamain e confidenzialmain.